भेट

 

आहे आशेचा किरण मनात तीव्र कुठेतरी

भेटशील आज ना उद्या जगाच्या पाठीवरी 

हजारो प्रश्न विना उत्तर आहेत माझ्या सामोरी 

करशील का समाधान या प्रश्नांच येऊन तू कधीतरी

आठवण तुझी बेचैन करते हृदयाला वरचेवरी

धूसर छवी तुझी अशा वेळी उमटते बघ गाभारी

नयनांत प्रतिबिंब तुझे अस्पष्ट असले जरी

आसवांच्या रूपाने ओघळेल हळूच असेच केव्हातरी

स्वप्नेही होतात नाराज विरह हा टोचे खोलवरी

जपून ठेवली मी ही आसवे तुझ्याचसाठी आजवरी 

© प्रतिभा बिळगी "प्रीति"